O Servizo de Participación e Inclusión Universitaria da USC e o grupo de traballo de coordinación interna da Comunidade de Accións e Saberes Arredor do Rural, están a preparar catro obradoiros sobre aprendizaxe-servizo para colectivos, co obxectivo de que poidamos formular propostas o máis concretas e factibles posibles para logo trasladarllas ao profesorado potencialmente interesado.

Nestes obradoiros, explicarase como funciona a Aprendizaxe-Servizo, falarase de que tarefas son factibles, daranse exemplos de experiencias (por parte de entidades que colaboraron) e guiarase sobre que graos ou disciplinas poden ser máis interesantes para cada proposta.

É interesante facer o máximo posible para que haxa máis experiencias de colaboración, máis profesorado que estea disposto a que o seu estudantado "pise terra", e unha vía para intentar isto é darlles propostas que vexan realizables e interesantes a nivel de disciplina.

Os lugares e datas son os seguintes:

Lugo -3 de maio
Pontedeume -9 de maio
Lodoselo (Sarreaus) -10 de maio
Compostela -24 de maio

Axendade porque é importante poder estar; manter en movemento as posibles vías de colaboración entre entidades e Universidades.

Este encontro enmárcase dentro das actividades dun convenio que teñen as tres universidades e a Xunta de Galicia, para actividades relacionadas coa Rede Galega de Cooperación Universitaria para o Desenvolvemento.

A inscrición faise a través do hipervínculo do cartaz. Ou aquí mesmo: https://forms.office.com/Pages/ResponsePage.aspx?id=LEUNj6S3ZEm4EIw5c3RHe_VTlkt0GHtNnB1bsM587lpUNExWOEJCQ1VQUk9EVVNMTDdJUElTSDRORy4u