Xa estamos no tempo de preparar a horta e, por iso, en Lodoselo continuamos mans á obra. https://www.instagram.com/reels/DYzJLlqt1_n/

Esta actividade é unha das nosas favoritas, xa que permite conectar cunha tarefa moi familiar e significativa. A través dela traballamos a motricidade, a coordinación, a estimulación cognitiva, a autonomía e o traballo en equipo, ademais de gozar dun tempo ao aire libre que desfrutamos moitísimo.

Os bancos de cultivo elevados permiten crear un espazo totalmente accesible, facilitando a participación de todas as persoas dunha maneira cómoda e segura.

Agora toca coidar, regar… e ver medrar todo o que sementamos e transplantamos con tanta ilusión.

Esta actividade forma parte do Proxecto para a recuperación, recolección e almacenaxe de sementes de variedades autóctonas da comarca da Limia, financiado polo Ministerio para a Transición Ecolóxica e o Reto Demográfico.