© CDR O Viso | 16/08/2022 | Cartel buscamos casas

Seguimos na loita contra o despoboamento

Un xeito de facelo é axudar a que veñan persoas ó rural e acompañalas

O rural ten moita vida e moita vitalidade pero para que isto siga sendo así o CDR O Viso vén traballando nun programa contra o despoboamento da man do resto de centros de desenvolvemento rural do estado a través da confederación que os agrupa (COCEDER).
No pasado mes de xullo retomouse a fase efectiva deste traballo e xa se sumaron unha ducia de recursos ó banco de oportunidades de vivendas e negocios. Destaca especialmente o dato de que medio cento de familias contactaron con CDR O Viso para explorar opcións de construír o seu proxecto vital na Limia a onde xa chegaron recentemente seis familias novas.
Os lugares de procedencia destas familias son variados, destacando as grandes cidades e zonas altamente poboadas como Madrid, Barcelona ou o Levante.
Ante a expectación levantada pola nosa comarca, o CDR O Viso quere incorporar máis casas ó bando de ofertas que manexa para dar resposta ás demandas da xente que algún día pode ser a nosa veciña, quen traballe connosco, quen nos compre as propiedades das que queremos desfacernos, etc.
Se tés unha vivenda que sirva para habitar, contacta connosco.

Voltar