Infórmate > Noticias 

Noticias 

Importante axuda para contribuír a facer real o ben común
Compartir en Facebook Compartir en Twitter

21/01/2021 | A Limia

O que existe pode ser mellorado

1 de 2

A Consellería de Política Social e a Consellería de Emprego e Igualdade da Xunta de Galicia veñen de publicar a resolución de axudas destinadas a realizar programas de interese xeral para fins de carácter social con cargo á asignación tributaria do 0,7 % do imposto sobre a renda das persoas físicas. Para o CDR “O VISO” esta é unha das fontes de financiación máis importante para darlle continuidade á nosa actividade e afrontar a posta en marcha de novos programas que respondan as necesidades da nosa realidade limiá.
No DOG do pasado venres 15 de xaneiro está a resolución citada e aparecemos como Terra  e Xente, agrupación de asociacións que  nace no mes de maio de 2017 e que aúna a catro entidades sociais que traballamos no medio rural galego: O Centro de Desenvolvemento Rural Ancares, a Asociación Euro Eume, o Centro de Desenvolvemento Rural Portas Abertas e o Centro de Desenvolvemento Rural O Viso. A maiores entrou nesta convocatoria a Asociación Boa Vida Inclusión Activa.
A contía recibida a través desta subvención para once programas e equipamento terapéutico e de cociña para os servizos de proximidade e o centro de inclusión achégase ós trescentos mil euros (292.913,88 €) e permitiranos seguir atendendo as necesidades da poboación limiá a través dos programas de maiores, infancia, conciliación, igualdade, emerxencia social, voluntariado, servizos de proximidade, persoas migrantes e dinamización comunitaria, entre outros.
A nosa máxima é: “O que é necesario é posible e ademais realizable”, por iso mantemos o noso compromiso firme de traballar por e para a veciñanza da Limia, facendo real a utopía, reivindicando o ben común e o medio rural.
A situación sociosanitaria xerada pola COVID-19 está mudando o noso xeito de traballar e de vivir, como a todas as persoas, pero continuaremos con cada un dos programas durante o ano 2021 con estritas medidas de prevención  de contaxio.
Aproveitar para dar as grazas a todas as persoas que marcaron a X SOLIDARIA na súa declaración da renda; esta contribución é clave parar facer que isto sexa posible.

Arquivada en:

Infórmate > Noticias

MATERIAIS RELACIONADOS
Enlaces
Noticias

Hosting por

Radio Lodoselo

banner

 

        

Boletín
 

 

Mantente informado/a

 

Recibe o noso boletín

Máis info

Acepto a política de privacidade. FUN INFORMADO, ENTENDO E AUTORIZO O TRATAMENTO DE DATOS PERSOAIS

 

 

aceptacookies