© CDR O Viso | 02/12/2014 | C.Jumper 2014

Novo vehículo adaptado para o CDR O Viso

A Fundación Barrié e a Fundación Roviralta posibilitan esta compra.

   Contamos cun novo vehículo adaptado para transportar á nosa xente ó Centro de día, ó Centro de saúde... ou para solventar calquera necesidade que faga preciso o seu servizo. Os coches dos que dispoñemos no CDR O Viso fan posible que os distintos programas, servizos... que levamos adiante poidan chegar a máis persoas participantes; na actualidade estanse percorrendo máis de vinte lugares de catro Concellos da Comarca todos os días; e isto desde hai bastantes anos. O vindeiro e próximo 2015 fará 25 anos que o CDR botou a andar. E chega un momento no que temos que ir tratando de renovar os vehículos, polo que tocoulle á Citroën Jumper (que se mercara grazas ó apoio do actual Arcebispo de Madrid -Carlos Osoro- cando estivo de bispo aquí na nosa diócese e a varios cregos da comarca da Limia. Moitas grazas e grazas tamén agora ás Fundacións Barrié e Roviralta que subvencionaron a nova Citroën Jumper.  

Voltar