Axenda de actividades
© CDR O Viso | 20/09/2016 | Cartel EIFnaLimia
Curso 2016/17 de Educación Infantil Familiar na Limia
01/09/2016 - 30/06/2017 | A Limia
O CDR “O VISO” inicia o novo curso de Educación Infantil Familiar na Limia.
Grazas á boa acollida e alta participación das familias, este programa -financiado polo Ministerio de Sanidad, Servicios Sociales e Igualdad-, conta ademais co apoio económico de La Caixa Xinzo de Limia e a Fundación Espadaña.
Esta semana comezan as reunións para informar ás novas familias do funcionamento do programa e establecer con elas, e coas que volven participar, os horarios e lugares de celebración das xuntanzas este novo curso. Trátase de crear espazos de intercambio e reflexión para realizar actividades relacionadas coa crianza e a educación das fillas e fillos, que poderán relacionarse con outros semellantes, xogar e participar en situacións de aprendizaxe, descubrimento, comunicación…
VINDEIRAS REUNIÓNS INFORMATIVAS:
Mércores 21 setembro: 9:30h CEIP CARLOS CASARES-11:30h CEIP ROSALÍA DE CASTRO
Xoves 22 setembro: 10:30h CEIP Sarreaus
Luns 26 setembro: 11:00h Trasmiras
Martes 27 setembro: 11:15 CEIP Os Blancos
Mércores 28 setembro: 11:00 CEIP Cualedro
O persoal do CDR “O Viso” encargado deste programa participa e colabora novamente nas reunións pedagóxicas da Asociación Socioeducativa Antonio Gandoy de Lugo (herdeira do legado material e inmaterial de Preescolar na Casa), que mantén en funcionamento un servizo socioeducativo familiar en moitas comarcas de Lugo e da Coruña.
Se es nai, pai ou o vas ser, e queres participar nalgunha das xuntanzas contacta con nós:
Praza Maior 1, 1ºC –Xinzo de Limia
Tlf. 988461571
eduinfam@cdroviso.org
Ou séguenos a través da páxina web ou facebook, onde iremos colgando novas e información de interese: http://www.cdroviso.org
Cdr O Viso Educación infantil Familiar na Limia
Lugar de celebración:
Arquivada en:
Infórmate > Axenda de Actividades