Infórmate > Noticias 

Noticias 

Voltar
Participamos no III encontro de Axentes Socioeducativos
Compartir en Facebook Compartir en Twitter

15/06/2022 | Santiago

Compartindo un espazo entre Colectivos Rurais e a USC

1 de 5

© Arredor do rural

Outra xornada ben interesante a deste 15 de xuño en Santiago compartindo un espazo que promoveu o encontro entre colectivos, entre a Universidade e o Rural; atoparnos con persoas, moitas delas coñecidas, comprometidas co medio rural; contactar con iniciativas que seguimos con atención, con admiración. Sentirnos arroupados por estas persoas, a pesares da distancia, porque notamos a sintonía que da o pisar a terra con sensibilidade. 
Escoitamos as experiencias de aprendizaxe servizo que nos achegaron, profesorado e alumnado; á xente de Outonía, cunha proposta sobre o lecer e o cambio de hábitos; ó alumnado de Psicoloxía Social que en gran grupo fixo unha presentación das percepcións do rural, emocións, actitudes, estereotipos, condutas… que obtiveron no seu traballo de investigación a partires dunha mostra con entrevistas, cuestionarios a 874 persoas ; a Natalicio, un alumno de Mozambique que está cun intercambio na escola politécnica de Lugo e que nos contou o seu traballo sobre produción de alimentos, consumo de cercanía, hábitos de consumo; tamén outras accións multidisciplinares conxugando economía, bioloxía, educación no intento de conxuntar e rachar coa sectorización…
A continuación tivemos, máis tarde do previsto, unha degustación de productos (pan, queixo e mel) con selo de calidade da Consellería do Medio Rural e charla informal que continuou ó aire libre coa Mostra de acción e saberes de colectivos de Arredor do Rural: Fundação Montescola, CDR Portas Abertas, ADEGA, Asociación para a Defensa Ecolóxica de Galiza, Asociación Betula Custodia, Asociación Sachos á Rúa, Somosterra S. Coop. Galega, Mulime, Outonía S. Coop. Galega, Amigas da terra, a Sabia, Asociación As Espigadoras e nós, o CDR O Viso.
Sen esquecer o momento de xantar no que poidemos saborear os gustosos produtos de Daqui darredor, a cociña colectiva á que lle poñemos cara na persoa de Carmen Freire. Pero que son un grupo de persoas da Amaía e do Sar principalmente; tamén de Santiago, da Estrada e da Barbanza. Comercializaban os seus produtos desde había ben anos. Pero así como podían vender produtos frescos, hortalizas e froita sen problema, non era tal para os produtos transformados: sempre co atranco do rexistro sanitario, por máis que algúns deles levaban máis de 20 anos vendéndoos directamente, de casa a casa. Neses transformados viron un posible ingreso importante pola demanda de familias, comedores escolares, restaurantes, tendas. Dotarse cada un deles dunha instalación legalizada para facer zumes, marmeladas, conservas, queixo etc. sería inabordable. Así foi como comezaron a barallar a idea dunha instalación colectiva, na que varias persoas puidesen facer as súas elaboración. E velaquí unha xestión colectiva responsable sen ter unha empresa detrás. Resolvendo no día a día os labores de produción, comercialización, etiquetaxe e venta. Un proceso lento, porque todas as revolucións caladas son lentas, pero como elxs, seguimos crendo que este é un atinado camiño.

Arquivada en:

Infórmate > Noticias

MATERIAIS RELACIONADOS
Noticias
Voltar

Hosting por

Radio Lodoselo

banner

 

        

Boletín
 

 

Mantente informado/a

 

Recibe o noso boletín

Máis info

Acepto a política de privacidade. FUN INFORMADO, ENTENDO E AUTORIZO O TRATAMENTO DE DATOS PERSOAIS

 

 

aceptacookies