Infórmate > Noticias 

Noticias 

Medra o xardín sensitivo e nós con el
Compartir en Facebook Compartir en Twitter

18/05/2022 | Lodoselo

Coa colaboración de LIMISI

1 de 4

Pasiño a pasiño o  xardín sensitivo vai collendo forma, grazas ó traballo a reo das persoas usuarias do centro de día, a vivenda comunitaria e os nenos e nenas da casa niño Lodoselo e agora coa colaboración de LIMISI vaise transformando nun espazo onde parar o tempo e perderse gozando cos sentidos.
O mércores pasado as persoas do Centro Ocupacional de LIMISI realizaron o percorrido polo xardín, dispostos a experimentar, abrindo os seus sentidos: tocando e diferenciando diferentes texturas coas mans e cos pés, descubrindo diferentes sons, explorando co nariz, descubrindo cheiros e curiosidades das diversas prantas aromáticas, coñecendo a horta e a casa dos insectos.
Para finalizar construíron dúas partes do xardín. Por unha banda, crearon unha parte sonora na que colgaron diversos utensilios vellos de cociña e caixas de diferentes materiais para tocar e crear sons; e por outra banda, pintaron de forma creativa pneumáticos nos cales introducir diferentes texturas para poder sentilas.
Foi unha xornada marabillosa; estamos moi agradecidas pola súa colaboración e participación a través da cal todas as persoas intercambiamos saberes e sensacións.
Esta actividade está financiada pola Consellería de Política Social da Xunta de Galicia a través da subvención con cargo á asignación tributaria do 0,7% do imposto sobre a renda das persoas físicas dentro do programa dirixido a mellorar a calidade de vida, a autonomía persoal e inclusión social e laboral das persoas con discapacidade.

Arquivada en:

Infórmate > Noticias

MATERIAIS RELACIONADOS
Enlaces
Noticias

Hosting por

Radio Lodoselo

banner

 

        

Boletín
 

 

Mantente informado/a

 

Recibe o noso boletín

Máis info

Acepto a política de privacidade. FUN INFORMADO, ENTENDO E AUTORIZO O TRATAMENTO DE DATOS PERSOAIS

 

 

aceptacookies