Infórmate > Noticias 

Noticias 

Magostiño no xardín dos sentidos
Compartir en Facebook Compartir en Twitter

30/10/2021 | Lodoselo

A horta do San Martiño ten para el e máis para o veciño

1 de 2

Este pasado venres pola media mañá estabamos convocados para facer un magostiño no xardín dos sentidos. A Lucía dende a casa niño achegounos o convite uns días antes e todas as persoas puxémonos a preparar esta festiña para que nos prestara ben.
E vaia se temos a trazabilidade do produto estrela. Porque preparamos os soutos que nos deixaron (coa axuda do Gerardo e o alumnado de 2º do ciclo de Aproveitamento do Medio Natural do IES Cidade de Antioquía), recollemos as castañas (o Mateos, O Luis, a Julia, o Toño), escolléronas e ata as mucharon varios días nos bancos diante da vivenda comunitaria (sobre todo a Asunción), cortáronas para que non esbouraran ó asalas e revisáronas o xoves no centro de inclusión… 
E os versátiles Pili, Eloi, Manolo, Perfecto... e demais persoal do CDR que asaron as castañas, prepararon o espazo e algúns petiscos para acompañar as castañas ben asadas, amenizaron o encontro coa música do país e a gozar do momento en boa compaña. As crianzas da casa niño e as persoas maiores que participan nas actividades diarias de prevención da dependencia e promoción da autonomía co persoal laboral que o fai posible e algúns achegados completamos o grupo.
Entre estes contamos coa presenza de Jacobo Rey (Director Xeral de Familia, Infancia e Dinamizacion Demográfica da Consellería de Política Social da Xunta de Galicia) e María José Fdez Laso (Xefa Territorial desta Consellería en Ourense). Fixémolos partícipes deste noso empeño contándolle o noso quefacer cotiá; e sentimos a súa comprensión, sintonía e alento para seguirmos tratando de facer posible o que nos parece necesario para seguir acompañando ás persoas do noso medio contribuíndo a unha maior calidade de vida.

https://www.kizoa.com/Movie-Maker/d372092937k4579390o2l1/Magostiño no xardín dos sentidos

Arquivada en:

Infórmate > Noticias

MATERIAIS RELACIONADOS
Vídeos
Enlaces
Noticias

Hosting por

Radio Lodoselo

banner

 

        

Boletín
 

 

Mantente informado/a

 

Recibe o noso boletín

Máis info

Acepto a política de privacidade. FUN INFORMADO, ENTENDO E AUTORIZO O TRATAMENTO DE DATOS PERSOAIS

 

 

aceptacookies